|
本帖最後由 Hinton 於 13-6-2010 11:44 編輯
學術性d咁講
你既論點主要有兩個
第一係 點解大陸人咁勁都要留班"爭飯食"
第二係 點解大陸人可以咁"厚顏無恥"認自己係香港人
對於你以上兩個睇法
我都唔同意
首先針對你第一個觀點:
大陸人既數學/其他科係比香港人好
但佢地係小學先開始教26個英文字母
咁英文方面 meet唔到香港既requirement
咁留班係必然既事實
而且係long-sighted既考慮
針對你第二個睇法
我覺得你唔多唔少有d歧視成份
既然你可以問人地係唔係香港人
點解你唔反問自己 係唔係中國人?
我覺得你咁特別分辨大陸人同香港人
只係你仲未接受到你係中國人呢個事實
而且明顯地,你對香港人既印象係比大陸人好
所以你先會覺得d大陸人"侵蝕"左香港
而我個人睇法係:
世界本來有就好多唔同類既人
而學校就係社會既縮影
你係學校要學既
唔單單係書本上既知識
而且係待人處事既技巧(當中包括包容空氣之內既所有人--和而不流)
另一方面,如果香港當初唔係咁多大陸人
我諗香港都唔會咁昌明
因為大陸人既引入 的確令我地香港人起鼓舞作用
裝備自己去增加競爭力
再者 我想反問"你d香港親戚冇一個係大陸黎?"
全部都係土生土長?
我相信個答案唔係必然既
其實個問題既主因
係出於你對大陸學生既不滿
而唔係佢地既答案有咩問題
當你否定一個人既時候
佢講好多好處 你都唔會睇到
但當你認同一個人既時候
反而,你會好主動包容佢所做既錯事
睇野可以好多角度 好多層面
有時人就因為太過主觀
唔夠客觀 而妄下結論
如果你可以抽離少少 宏觀d睇整件事情
你可能發現到自己既問題
我覺得通識既多角度思考
係可以應用到呢個層面上
本人只係f.6學生 路過 |
|