我知我好傻架...

finding_C

打得好長好悶唔知有冇人會睇呢..
只係突然今日好想講晒出黎..

年幾2年前遊學個時鐘意左個男仔..
遊學個1個月..佢對我好好..
有時專登玩下我..但適可而止
之後都有人同我講佢好似對我特別好咁..
咁自然每個女仔都會幻想佢鐘意自己架啦-3-
不過幻想還幻想..
我依然覺得佢只係當我係一個好朋友
可能因為我成日都覺得自己又唔係靚女..有邊個會鐘意我喎(嗯..我冇乜自信架咋)
而且我覺得自己番到香港隔左陣冇聯絡就會唔記得左佢架啦..
嗯..番到香港之後過左陣就真係冇再聯絡
不過我仲係會諗起佢
回憶仲係不停咁係個腦入面
隔左幾個月到左聖誕節個排..
佢突然sd左個sms俾我
跟住開始我就同佢不停咁sd..雖然我地其實係唔同台-_-
之後個半年開始變得熟番..
得閒會出下黎睇下戲溜下冰唱下K
甚至有次我莫名其妙咁同左佢去睇森美-_-
0自信既我繼續覺得佢當我朋友..
不過個半年我真係好開心
但係唔知點解跟住同佢又斷左個幾月聯絡..
過左排我add左佢facebook
發覺佢無耐之前岩岩同左個女仔拍拖..
我完全唔想信
點知第2朝佢msn搵我..同我講佢因間同女朋友去又一城溜冰
佢同我講應該係因為知我鐘意溜冰..
但係我當場滴晒汗
因為我約左成班fd同一日同一個場同一個時間去溜冰..
會唔會岩成咁...個刻我淨係諗到連個天都要我認命..
跟住我再發覺 半年前同1日..同一個地方係佢隔離個個係我(唔洗理我依d完全係女仔先會諗到既野)
個一日..我望住佢同佢女朋友係到..
跟住我係到扮同自己班fd玩得好開心..
其實我真係好辛苦
個個溜冰埸..實在有太多同佢既回憶

過左陣我要去外國讀書
所以都只係間中係msn傾2句咁
我亦都好似開始淡忘佢
而且對令一個男仔有好感
慢慢變成有d鐘意..
但係我開始發覺..每次諗諗下依個男仔
我都會諗番去佢到
最後 又番番原點
我 依然係鐘意佢

再無耐 我遇到一個男仔
成日都令我諗起佢..
今次 我逼自己鐘意依個男仔
我都唔知目的係乜
我淨係知自己唔可以再鐘意佢
我好辛苦..
嗯..我好似成功左1個星期到
但係跟住...結果依舊..
我淨係發覺..自己愈黎愈鐘意佢

今年年頭 我係facebook打左篇野
多謝佢08年俾左好開心既半年我..
不過..2009年我會放低佢
嗯..佢唔知我講緊佢
不停咁覆個篇note..
覆到篇野有3十幾個comments...
我都唔知笑定喊好

哈 永遠都係咁架喎
我愈話放低就會愈鐘意佢
好啦 去到2月個時..
我終於顛左
我打左一大篇野俾我個fd
叫我個fd幫我sd俾佢..因為我真係唔敢自己同佢講..
其中幾句係我鐘意左佢 不過我同佢女朋友差太多 所以我唔會去期待d咩..
講完之後 我個fd多口問佢
有冇鐘意過我..
佢話個時有...
我..我..呼..我唔知講咩好..
anyway.......

因為時差..所以我去到half term放假先見到佢on
佢主動搵我..開頭我因為尷尬所以扮唔係到冇應佢..
佢冇講d咩去拒絕我之類既野
只係見我唔應佢講左句
"我冇野喎 唔洗避開我喎xd"
我...寧願佢避開我
寧願佢唔好再搵我..
佢..反而搵得我比以前更密
而且愈黎愈關心我..
佢..只係令我愈黎愈鐘意佢
但係我明知佢有女朋友
明知佢好幸福
明知我再等落去都唔會有用
但係我真係放唔低..
每次我覺得自己好似鐘意左第2個既時侯
好快我就會諗番起佢..
我真係唔知自己想點啦..

哇打完 好似真係長得濟-3-''

冰月~

長係長左D,不過都睇晒
樓主既遊學是指summer course?
如果係既呢d時間多數係拍散拖既好機會''
而且我都係英國讀書呢''

我既意見係:可能佢想一拖2
但係我想知既係,樓主可以清楚地講解佢同佢朋友現在既關係好嗎?

偉仔

我覺得你應該要自然D..唔好成日亂諗野,
可能個男仔當你係一個好好既朋友呢
時間可以沖淡一切係真既,你唔使咁刻意要避開佢
咁做你自己都會辛苦,感情係好難控制到
你都唔使咁自責,加上你只係同佢msn,又見唔到面,
或者佢可能覺得同你幾夾,傾計果時又開心,想維持呢份真摰的友誼
anyway,你自然D會令自己舒服D~

oph

等時間啦
如果冇估錯
佢係咪你既初戀?

冰月~

初戀總是難忘的(望天

無言無語

掃左一次發現系字海 , 不過都冒住岩岩放工無野做既心情睇晒 .

其實愛情e家野 , 愈刻意逃避只會愈上身 .
既然你同佢再做朋友會辛苦 , 唔搵佢又愈中2佢既話 .

如果我系你就會潑出去 , 大膽咁同佢講晒所有自己既想法 .
同佢拍一次拖都冇所謂 ......... 走到最後你可能慶幸自己同佢有開心既回億 .
或姐你總於放手呢 .

咩咩咩咩咩

其實我覺得...樓主唔洗避佢嫁喎
keep住fd呢個關係,話唔定會有意外收獲呢~

finding_C

令我認真得咁緊要既..
應該真係第1次了吧

佢唔係想1拖2啦 係既就唔會係咁啦
睇得出佢好鍚佢女朋友
其實 如果你知佢咁幸福
你仲會唔會走去同佢講晒所有想法..
明知自己又唔會有機會..
點解要做到可能朋友都冇得做..

朋友關係..?
em..冇乜特別..
咪就係我番到香港會出黎見下..
平時msn佢見到我on佢會叫我..

咩咩咩咩咩

咁可能你同佢一齊都會有幸福呢~
其實我覺得你好勇敢嫁,敢去同佢講

冰月~

世事真係多變呢'
那樓主現在在想什麼?